pisojaj的部落格

同屋企人去旅行 簡直係個挑戰
同屋企人自由行 真係世紀大挑戰!!!! 話說我半個月前同爸 媽 細佬 一家4口去日本大板 本身諗住自駕 但細佬話鐘意行多啲感受下 多過上車落車 咁我唯有安排一個最理想嘅路線啦 旅行嘅開始 麻煩事就正式開始 我爸媽唔食生野 所以我一早計劃好要食啲咩餐廳 旅行第一日 本身我諗住第一餐係心齋橋食拉麵 跟住去嵐山 跟住我爸話想你心齋橋行番轉先決定食咩 咁ok啊 我地就行左轉 我媽就經過兩間店就會叫我地等佢 佢想入去行下 咁都ok 因為我同細佬都好好耐性 到我媽行到第4,5間店 我爸就開始黑面 我媽都feel到就話我地而家直接去食野啦 跟住搞左一輪 拉麵店我媽又話唔好 生冷野又唔好 炸野 咖啡廳兩老又唔鐘意 最後係食西餐LOL 食完出泥天都開始暗 如是嵐山都去唔到 變左成日行街 夜晚番到酒店 兩老話點解唔安排行程...... 我同細佬都冇言以對 跟住落泥嗰幾日 都係差唔多狀況 係食野方面我同細佬＋兩老分頭行事 個行程先叫順番少少 下次同屋企人去旅行 都係跟團......自由行真係好攞命
旅遊,
我上次一行十幾人去大阪有老有嫩...最後我係炆住咁返嚟我都係同你一樣下次咪搞我??????EBF7FC75382ECA55